மருத்துவ காப்பீடுகளின் கட்டனமும் மருத்துவ செலவும் அதிகமாகி கொண்டே போகின்றன. அமெரிக்காவில் நிறைய பணி இடங்களில் இவற்றை ஊதியத்துடன் தருகின்ற போதும், பல மென்பொருளாளர்கள், மணிக்கு ஊதியம் பெற்று நிறுவனத்தின் Consultant ஆக இருப்பவர்களுக்கு சில சமயம் இந்த உதவி கிடைப்பதில்லை. தானே சந்தாகட்டினால் மாத கட்டணம் இன்னும் அதிகம் என்பதால் பெரும்பாலோர் ஒரு project இல் இருந்து இன்னொன்றுக்கு மாறும் இடைக்காலத்தில் காப்பீடு இல்லாமல் இருக்கின்றனர். அதேபோல சொந்தமாக தொழில் நடத்தும் பலர் இது போல காப்பீடுகள் பெற்றிருப்பதில்லை.
காப்பீடுகளில் பலவகை உண்டு. இவை மருத்துவருக்கு எப்படி அவர்கள் செயல்களுக்கு ஊதியம் தருகின்றது என்பதையும் எந்த காப்பீடு உசிதமானது என்பதை தெரிந்து கொள்ளும் விவரம், இந்த காப்பீடு தரம், இவற்றில் எப்படி சில மருத்துவர்கள் இடம் பெறுகிறார்கள் என்பதை பற்றியும் வரும் பதிவுகளில் எழுதுகிறேன்.
இந்த பதிவில் காப்பீடே இல்லாமல் இருப்பவர்கள் எங்கே உதவி பெற முடியும் என்பதை அவசியம் கருதி எழுதுகிறேன்.
காப்பீடு இல்லாதவர்கள் , ஊரிலிருந்து வந்திருக்க்கும் பெற்றோர்கள் இவர்களுக்கு உடல் நிலை சரியில்லாமல் போனால்: உடல் நல துறை நடத்தும் சில மருத்துவமனைகளுக்கு செல்லலாம். இவை பெரும்பாலும் walk in clinicகுகளே. உதாரணமாக நியு ஜெர்ஸியில் Chandler மருத்துவமனைகள் நியுப்ரன்ஸ்விக், நியுவர்க் போன்ற இடங்களில் இருக்கிறது. இங்கே கட்டணம் எதுவும் இல்லை.
திடீரென மாரடைப்பு போன்ற அவசர மருத்துவ உதவிகள் வேண்டும் என்றால் 911 கூப்பிட்டு அருகில் உள்ள மருத்துவமனைகளுக்கு செல்லவும். அங்கே ஆரம்பத்திலேயே நோயாளிக்கு காப்பீடு பலன் இல்லை என்பதை சொல்லிவிடுங்கள். அங்கே உள்ள charity care க்கு விண்ணப்பிக்கவும் . என்ன பெரிய அறுவை சிகிச்சையானாலும் இந்த charity care பணம் தந்துவிடும். நீங்கள் கவலை பட தேவை இல்லை.
ஐந்து வருடங்களுக்கு முன்பு ஸ்மித் க்லைம் நிறுவனத்தில் ஆராய்ச்சியாளராக இருந்த நண்பரின் பெற்றோர் வந்திருந்தனர். அவருடைய ஊதையம் 100000 $ என்றபோதிலும் அவருடைய பெற்றோருக்கு காப்பீடு இல்லை. திடீரென மாரடைப்பு வந்த தந்தையை மருத்துவ மனையில் சேர்த்து, தமனிகளில் அடைப்பு இருப்பதை சரிசெய்ய அறுவை சிகிச்சை செய்தார்கள். அதன் பின் பல சிகிச்சைகள், வாராவாரம் பரிசோதனைகள் என்று மருத்துவ கட்டணம் மிக அதிகமாகி போனது. சில மாதங்கள் நன்றாக இருந்த அவர் இறந்துவிட்டார். மருத்துவமனைல் இருந்து வந்த கட்டணம் மிக அதிகம். நண்பர் மருத்துவமனையின் அலுவலகத்திற்கு நேரில் சென்று த ன் ஊதிய விவரங்கள், செலவு எல்லாம் விவரித்து தன்னால் மாதம் $200 மட்டுமே கட்ட முடியும் என்று சொல்ல, மருத்துவமனை அவருடன் ஒரு ஒப்பந்தம் செய்து கொண்டது. நண்பர் இருக்கும் வரை மாதம் 200$ கட்டுவதாகவும் இந்த கடனால் அவருடையை மனைவி, குழந்தைகள் எந்த வித கட்டுமானங்களுக்கும் உள்ளாக மாட்டார்கள் என்று. ஒருவருடம் பணம் கட்டியபின், மருத்துவமனை மீதி தொகையை ரத்து செய்து விட்டது.
மருத்துவமனையில் இருந்து வரும் கட்டணம் கண்டு மலைக்காமல் அவர்களுடன் நேரிடையாக பேசவோ எழுதவோ செய்தால், மருத்துவமனைகள் இந்த செலவீனங்களை ரத்து செய்யும்.
சாதாரண சுரம் போன்ற கோளாறுகளுக்கு, அல்லது இரத்த அழுத்தம் போன்று தொடர்ந்து மருந்து எடுத்து கொள்பவர்கள் இலவசமாக மருந்து பெற்று கொள்ள உங்கள் மாநில உடல்நலதுறைக்கு தொலை பேசி விவரங்கள் கேட்கவும். என்னிடம் சில பொதுவான தகவல்களும் யாரை தொடர்பு கொள்ள வேண்டும் என்ற விவரங்களும் உண்டு. அதை தனியாக கொடுக்கிறேன்.
மாதா மாதம் பொது நலதுறையில் பல்வேறு நகரங்களில் இலவச மருத்துவ பரிசோதனைகள் செய்கிறார்கள். ஏதேனும் ஆபத்து இருந்தால் அவர்களே மருத்துவமனைக்கு பரிந்துரை செய்வார்கள். அப்போது அது தொடர்பான கட்டணம் கட்டுவதோ உதவி பெறுவதோ அவர்களின் வேலை. மாதாமாதம் எங்கே கிளினிக்குகள் நடக்கிறது என்ற அட்டவனை தயாரிக்க படுகிறது. நீங்கள் உங்கள் பொதுநல துறையை தொடர்பு கொண்டால் அதை வீட்டு முகவரிக்கு அனுப்பி வைப்பார்கள். இதுபோன்ற கிளினிக்குகளில் பரிசோதனைகள், மாமோகிராம், prostate exam, rectal exam, chest xray, blood test ஆகிய அனைத்தும் செய்ய படும்.we also run STD, TB clincs, and offer free conseling.
கண்கள், பற்கள் இவற்றை பரிசோதிக்கவும் பல இடங்களில் வசதி உண்டு. நீங்கள் தொடர்பு கொண்டால் உங்கள் வீட்டுக்கு அருகே உள்ள கண் மருத்துவரின் பெயரும் தொலைபேசி எண்ணும் அனுப்புவார்கள். நீங்கள் பரிசோதனை செய்து கொள்ளலாம். அத்தோடு வயதானவர்களுக்கு இலவச கண்ணாடியும் கிடைக்கும். காது கேட்காத முதியவர்களுக்கு இந்த பரிசோதனையும் ஹியரிங் எய்டும் கிடைக்கும். இதுபோன்ற வசதிகளுக்கு பொதுநலதுறை, முதியோர்களுக்கான அலுவலகம் இவற்றை தொடர்பு கொள்ளவும். இந்த எண்கள் உங்கள் தொலைபேசி புத்தகத்தில் இருக்கும்.
குழந்தைகளுக்கு காப்பீடு இல்லை என்றால் உடனே சோஷியல் அலுவலகத்தை தொடர்பு கொண்டால், இங்கே பிறந்தவர்களானால் 1 வாரத்துக்குள் மெடிக்கெய்ட் அட்டையும், இங்கே பிறக்காதவர்களுக்கு மாநில குழந்தைகள் உடல் நல பாதுகாப்பு அட்டையும் அனுப்பபடும்.
எந்த ஊரில், நாட்டில் பிறந்திருந்தாலும் தடுப்பூசிகள் இலவசமாக வழங்க படும். இதன் அட்டவணையும் எங்கே கிளினிக்குகள் நடத்த படுகின்றன என்பதையும் உங்கள் ஊரில் உள்ள உடல் நல துறையை கேட்டு தெரிந்து கொள்ளுங்கல்.செண்ட்ரல் நியுஜெர்ஸியில் இருப்பவர்கள் 732 745 3100 தொடர்பு கொண்டால் என் காரியதரிசிகள் 40 பக்கம் கொண்ட ஒரு புத்தகம் அனுப்புவார்கள். அதில் எந்த உடல் நிலைக்கு யாரை தொடர்பு கொள்ள வேண்டும் போன்ற விவரங்கள் இருக்கும். குழந்தைகள் உடல் நலம், மன நலம் பற்றிய இ ல வ ச சிகிச்சைகளுக்கு children’s directory என்ற புத்தகத்தை கேட்டு பெற்று கொள்ளுங்கள். 169 பக்கம் கொண்ட இதில் நியுஜெர்ஸியில் உள்ள பல இ ல வ ச கிகிச்சை இடங்களும் தொலைபேசி எண்களோடு தரபட்டிருக்கிறது. இதை சமீபத்தில்தான் தயாரித்து முடித்தேன். 211 தொடர்பு கொண்டால் நியுஜெர்சியில் உள்ள பல மருத்துவ சிகிச்சை கிளினிக்குகளை அறிந்து கொள்ள முடியும்.
இதையும் மீறி உங்களுக்கு காப்பீடு அவசியம் வேண்டும், இல்லை என்றால் பாதுகாப்பு இல்லாதது போல இருக்கிறது என்றால், family care நிறுவனத்தை தொடர்பு கொண்டால் அவர்கள் மாத கட்டணம் 5$ முதல் 50 வரை வசூலித்து உங்கள் குடும்பத்திற்கு காப்பீடு வழங்குவார்கள். இது 4 பேர் கொண்ட குடும்பத்தின் மாத வருமானம் 5000$க்குள் உள்ளவர்களுக்கு. அதற்கு மேல் வருமானம் இருப்பவர்கள் கட்டணம் சற்றே கூடுதலாக இருக்கும்.
பிறவியிலே குறைபாடுள்ள குழந்தைகள் இருந்தால், அரசே அத்தனையும் செய்யும். அவர்களே உங்களை அணுகுவார்கள். வீட்டிற்கு எங்கள் ஊழியர் வந்து எல்லாவற்றைம் பரிசோதித்து தேவையான ஏற்பாடுகள் செய்வார்கள். காது முழுதும் கேட்காதவர்கள் அருகில் உள்ள தீயணைப்பு நிலையத்தில் உங்கள் பெயரை சேர்ப்பது அவசியம். அருகில் ஏதேனும் தீவிபத்து இருந்தால் உங்கள் வீட்டிற்கு வந்து உங்களை பாதுகாப்பது, தொலை பேசி அடித்தால் விளக்குகள் எரிவது போன்ற ஏற்பாடுகளை இலவசமாக செய்து தருவார்கள். இந்த குழந்தைகள் பற்றி விவரமாக தனியாக எழுதுகிறேன்.
அதுபோல மனைவி கருவுற்றிருக்கும் ஓது காப்பீட்டை இழக்க நேரிட்டால் அதற்கும் தனி உதவிகள் உண்டு. இதை planned parenthoodடன் சேர்ந்து செய்கிறோம்.
மருத்துவ உதவிகளும் காப்பீடும் மிக சிறந்தது இல்லை என்றாலும் பலவகைகளில் அமெரிக்கா முயற்சி செய்கிறது. விவரங்கள் பலருக்கு தெரிவதில்லை என்பதுதான் மிக பெரிய குறை. உங்கள் வீட்டில் புகுந்துவிட்ட பூனையை பிடிப்பது முதல் புல் வெட்டுவதுவரை உதவி பெற முடியும்.
இந்தப் பதிவின் திறத்தை தமிழ்மணம்.காம் தளத்தின் வழியே பிறருக்குச் சொல்லுங்கள் இதுவரை இதன் தரக்கணிப்பு: கணிப்பைச் சுட்ட நட்சத்திரங்களில் சொடுக்கவும்
Comments madePriya wrote:
மிகவும் பயனுள்ள தகவல்களை நன்கு விவரித்துச் சொல்லியிருக்கிறீர்கள் பத்மா. Thanks for thinking about various aspects of life in a foreign country and taking the time to write/explain about tackling the various issues.
reply to this comment
12/11 14:31:55
thangam wrote:
Thagavalkalukku Nanri!!
reply to this comment
12/11 21:55:47
padma arvind wrote:
நன்றி பிரியா, தங்கம். தங்கம் : வெகுநாட்களாக நீங்கள் பதிவு எழுதவில்லையா?
காப்பீடு தருவதற்கும் அதிகமாக மருந்துகளுக்கு செலவழிக்க நேர்ந்தால், காப்பீடு இல்லாதவர்கள் கீழ்க்கண்ட இணையதளத்திலிருந்து விவரங்களை பெறலாம்.http://www.freemedicineprogram.com/,… http://www.freemedicinefoundation.com…
reply to this comment
13/11 07:38:04
Manjula wrote:
மிகவும் உபயோகமான பதிவு. தகவல்களுக்கு நன்றி பத்மா.
reply to this comment
13/11 21:53:26
uma r sankar wrote:
Hi Padhma
I am uma and I’m living in singapore. I’m reading your blogs regularly. Your articles are very informative.
My parents are with my brother in maryland. I would like to gather more information about medical help for my parents.
If you can give me your email id or telephone no my sister in law can get those information from you. Sorry for the trouble.
Thanks for your help
Regards
uma
reply to this comment
14/11 01:09:04
Maya wrote:
பத்மா அவர்களுக்கு,
வணக்கம்
/மருத்துவ உதவிகளும் காப்பீடும் மிக சிறந்தது இல்லை என்றாலும் பலவகைகளில் அமெரிக்கா முயற்சி செய்கிறது. விவரங்கள் பலருக்கு தெரிவதில்லை என்பதுதான் மிக பெரிய குறை. /
100% சரியாகச் சொன்னீர்கள்.உங்களைப் போன்றோர்கள் சிரத்தை எடுத்து மற்றவர்களுக்கு தெரிவிக்கிரீர்கள்..அனைத்து தகவல்களும் மிக உபயோகமானவை.
/காப்பீடு இல்லாதவர்கள் , ஊரிலிருந்து வந்திருக்க்கும் பெற்றோர்கள் இவர்களுக்கு உடல் நிலை சரியில்லாமல் போனால்../
ஒரு வாரத்திற்க்கு முன்னால் நடந்த ஒரு சம்பவத்தை உங்களோடு பகிர்ந்து கொள்கிறேன்..எனக்குத் தெரிந்தவரின் தாய்,தந்தை இந்தியாவிலிருந்து வந்திருக்கிறார்கள்.தாய் இருதய நோயாளி.எல்லாரும் சேர்ந்து அர்கான்சா சென்றிருக்கிறார்கள்.அன்றைய இரவில் தாய்க்கு மாரடைப்பு..911 கூப்பிட்டு மருத்துவமனையில் அனுமத்திரார்கள்.தற்சமயம் அவர்கள் நன்றாக இருக்கிறார்கள்.இன்னும் மருத்துவமனையில் இருந்து பில் வரவில்லை..
அவர்களுக்கு காப்பீடும் கிடையாது..
இந்தியாவில் எடுக்கும் காப்பீடு இங்கு எந்த அளவிற்கு உபயோக்ப்படும்..அப்படி ஒன்று இருந்தால் தாங்கள் ஒரு நல்ல காப்பீடு நிறுவனத்தை பரிந்துரைக்க முடியுமா?? இந்தியாவில் இருந்து இங்கு வருபவர்கள் எந்த விதமான காப்பீடு எடுக்க வேண்டும் ?? போன்ற விபரங்களுக்கு உங்களிடமிருந்து ஒரு தனி பதிவை எதிர்பார்க்கிறேன்.
தாங்கள் தங்கள் துறை சார்ந்த பயனுள்ள தகவல்களைத் தருகிரீர்கள்..நன்றி கலந்த பாராட்டுகள்..
அன்புடன்
மாயக்கூத்தன் கிருஷ்ணன்
reply to this comment
15/11 10:57:49
Padma Arvind wrote:
அன்புள்ள மாயா,
உங்கள் நண்பரை அந்த மருத்த்வமனையை தொடர்பு கொண்டு charity care இருக்கிறதா என்று கேட்டு அதற்கு விண்ணப்பிக்க சொல்லுங்கள். சில படிவங்கள் கேட்பார்கள், உதாரணமாக காப்பீடு இருக்கிறதா, தற்சமயம் பணியில் இருக்கிறார்களா, பிள்ளையால் பணம் கட்ட முடியுமா என்று கேட்டு, தெளிவாக கடிதம் எழுதி சொன்னால் அவர்களே ஆவன செய்வார்கள். இந்தியாவில் பெறப்படும் காப்பீடுகள் பற்றி எழுதுகிறேன்.
உமா: மடல் அனுப்பி இருக்கிறேன்.
நன்றி மஞ்சுளா.
reply to this comment
15/11 11:19:12
thangam wrote:
Due to some reasons, I am not in a position to access the web frequently.
Sontha kanini illai..Office-la work pannumpothu,appappa etti paakurathoda sari..
reply to this comment
15/11 17:09:06
Murali wrote:
Dear Padma
Very useful info. Thanks. I really appreciate it.
Murali
KS, USA
reply to this comment
15/11 23:16:49
uma r sankar wrote:
Hi padma
Sorry to trouble you. I did’n receive your email. Can you please resend the same to my gmail id.
Thanks
uma
reply to this comment
16/11 04:31:24
அன்பு wrote:
தகவல்களுக்கு நன்றி. பதிவைப் பார்த்த் அன்றே எழுதநினைத்து, அவசரத்தில் விட்டு பின்னர் மறந்துவிட்டேன்
Congenital Disease தொடர்பானவை காப்புறுதியின்கீழ் வராது என்று சொல்கின்றார்களே… இது ஒவ்வொரு திட்டத்தைப்பொருத்தா அல்லது பொதுவாக எந்தத்திட்டத்தின் கீழும் பிறவிக்கோளாறு வராதா? நாம் திட்டம் எடுக்கும்போது எவ்விதக்குறையுமில்லையென்ற உறுதியின்பேரிலோ அல்லது மருத்துவப்பரிசோதனை முடிவின்பெரிலோதானே பிரீமியம் கட்டுகிறோம். அதன்பின்னர் வரும் எல்லா நோயும் ஏன் அதன்கீழ் வராது!?
reply to this comment
16/11 04:52:11
அன்பு wrote:
பின்னூட்டத்தின் கடைசிவரி இப்படி இருக்கவேண்டும்:
அதன்பின்னர் வரும் அல்லது கண்டறியப்படும எல்லா நோயும் ஏன் அதற்கு முன்னர் எடுத்த காப்பீட்டின்கீழ் வராது!?
reply to this comment
16/11 04:53:33
ravisrinivas wrote:
very useful information. But i think that something is fundamentally wrong with the medical system in USA. How many can really afford to know all these details and seek treatment.Often lack of insurance results in postponing treatment and what you will
get is subject to so many conditions.
So unless there is a radical change all
these good efforts will not mean much.
The paradox is USA spends maximum on health in terms of % of GNP yet so many
millions are not covered or not fully
insured.A professor from India was a visiting prof in an university.She had
a medical problem which needed surgery and treatment. Her doctor advised her to get it done after returning to India.
reply to this comment
16/11 05:57:44
padma arvind wrote:
அன்பு
இப்போதெல்லாம் காப்பீடுகளில் congenitive disorder உம் சேர்க்கப்பட்டுள்ளது. இங்கே இதுபோன்ற குறைகளை முழுசெலவையும் அரசாங்கமே எடுத்து கொள்கிறது. ஆனால் மருத்துவரிடம் சொல்லி state registry யில் சேர்த்து கொள்ளவேண்டும்.
Ravi,
It is very true that both Govt and private sector spend a lot of money on this healthcare. unfortunately the system is not very efficient. We are working on closing the gaps, and I am personally involved in revising some of the minimum standards for doctors and hospitals. Even those services that are provided, we as immigrants are not aware off. I am pursuading health dept to increase awareness among public and provide brochure to people who enter into the country of these facilities. I am going to write step by step on these issues and try to create some sort of a brochure.
reply to this comment
16/11 06:22:38
அன்பு wrote:
தகவலுக்கு நன்றி. இங்கு காப்பீடு நிறுவனம் கைவிரிக்கும் பட்சத்தில் கிட்டத்தட்ட 50-60% வரை சுகாதார அமைச்சு, ரெனோல்ட் மெக்டொனால்ட் நிதி போன்ற பிற நிதியிலிருந்து மருத்துவமனையின் MSW பிரிவு நோயாளிகளின் அவசியத்துக்கேற்ப ஏற்பாடு செய்கிறது.
முக்கியமான பணியில் ஈடுபட்டுள்ளீர்கள்… தொடர்ந்து வெற்றிகரமாக செய்யுங்கள். பாராட்டுக்களும், வாழ்த்துக்களும்.
reply to this comment
