ஒத்துப் போகாத ஆனால் வயதில் மட்டும் வளர்ந்தவர்களிடையே ஏற்படும் பிணக்குகளால் விளையும் பிளவுகளால், குழந்தைகள் படும் இன்னல்கள், காண்பதற்கே மனதிற்கு பெரும் உளைச்சல் தருபவை.

சில வருடங்களுக்கு முன்பு – மகனின் கால்பந்து அணியில் இருந்த பையன்களில், பாதிக்கு பேருக்கு மேல் மணமுறிவு பெற்ற பெற்றோர்களை பெற்றவர்கள். விளையாட்டுக்கு பசங்களை அப்பா அழைத்து வருவார்; திரும்பி போகும் போது அம்மாவுடன் போவார்கள் வெவ்வேறு கார்களில்.